Julio Torrado urxe á Xunta a mellorar a proposta de convenio do SERGAS co Colexio de Ópticos para ofrecer avaliacións da vista ás e aos usuarios
G. Caballero reclama a Feijoo “valentía para orientar o futuro en vez de apatía para xestionar o presente”: “Deixe de dicir ‘pasapalabra’ ante cada un dos retos fundamentais do país e póñase a gobernar”
10/11/2021
Juan Carlos Francisco esíxelle á Xunta que empregue os fondos de recuperación para “cambiar a política económica” e reverter o empobrecemento da poboación galega
10/11/2021
O deputado do PSdeG sinala que “a Xunta e o PP néganse a resolver o problema” o que provoca que “parte do territorio quede sen cubrir”
O voceiro de Sanidade do Grupo Socialista, Julio Torrado, urxiu á Xunta a mellorar a oferta de convenio do Sergas co Colexio Oficial de Ópticos e Optometristas para ofrecer avaliacións de vista á cidadanía. Fíxoo, hoxe, no Pleno do Parlamento mediante unha pregunta oral ao conselleiro de Sanidade.
“Hoxe temos peor atención á saúde visual en Galicia que hai dous anos porque quere que os ópticos llo fagan gratis”, lamentou o socialista logo de sinalar que o colexio ofrecía estas avaliacións de balde para ás e os usuarios e tamén para o Sergas, xa que eran as e os propios profesionais quen asumían o custe do servizo ao fío do convenio do 2007. Porén, no ano 2020, e tras ver que a Xunta non cumpría o compromiso de melloralo como demandaba o colectivo, a asemblea do Colexio decidiu renunciar ao convenio.
Coa ruptura do mesmo, son agora os establecementos individualmente quen se adhiren ao convenio e, ante esta circunstancia, camíñase, alertou Torrado, existe unha quebra no acceso a este servizo por parte da cidadanía. Así, “onde antes existían máis de 600 establecementos adheridos, agora non chegan a dous centenares”. Polo tanto, alertou de que “parte do territorio, máis da metade dos concellos de Galicia, queda sen cubrir”.
“Isto provoca que se rompa a equidade asistencial”, sinalou o socialista, xa que existen poboacións que non dispoñen desta posibilidade e tamén provoca que o propio sistema público estea xerando un desequilibrio competitivo entre empresas ao recomendar aos seus pacientes unhas si e outras non. Ante esta circunstancia, lamentou, “a Xunta e o PP néganse a resolver o problema”.
Por todo isto, o responsable socialista instou ao goberno galego a realizar un novo convenio que “mellore as condicións previas” para o colectivo e permita “darlle a toda a cidadanía en igualdade de oportunidades este servizo”. Así a todo, destacou, o obxectivo último é que o servizo se inclúa dentro do catálogo de servizos do Sergas de forma progresivo ao igual que xa fan algunhas comunidades autónomas.
