Gonzalo Caballero urxe a Feijóo a “arranxar o caos que xerou en Ourense” antes da súa investidura como presidente: “A cidade non pode ser presa dos intereses dun PP indigno”
Gonzalo Caballero insta á Xunta a “asumir as súas responsabilidades” e garantir o funcionamento dos comedores escolares: “Feijóo ten que tomar medidas”
27/08/2020
Gonzalo Caballero propón unha comisión parlamentaria para a reconstrución económica e social de Galicia: “son momentos de grandes consensos”
31/08/2020
O líder do PSdeG subliña que a terceira cidade de Galicia “non merece ser noticia cada día polas desfeitas do acordo letal que fixeron Feijóo e Baltar con Jácome”
Santiago, 29 de agosto de 2020. O secretario xeral do PSdeG, Gonzalo Caballero, urxiu hoxe a Feijóo a “arranxar o caos que xerou en Ourense” antes de que se celebre a súa sesión de investidura, consciente da gravidade do que está acontecendo na que é a terceira cidade de Galicia.
“A cidade non pode ser presa dos intereses do PP”, advertiu Gonzalo Caballero, quen sinalou que, mentres os populares “buscan como manter o seu entramado de poder”, Ourense segue “paralizada” en mans dun alcalde que acaba de ser denunciado ante a Fiscalía polos seus compañeiros de goberno.
“Feijóo non se pode poñer de perfil porque é a súa responsabilidade”, remachou o líder do PSdeG, toda vez que “decidiu colocar a un alcalde que el mesmo consideraba letal para Ourense só por manter o caciquismo de Baltar á fronte da Deputación” a pesares de que os socialistas somos a forza máis votada nas eleccións municipais na cidade.
Neste escenario, Gonzalo Caballero subliñou que Ourense “non merece ser noticia cada día polas desfeitas do alcalde que puxeron Feijóo e Baltar”. “O esperpento e as irregularidades non poden estar á fronte da terceira cidade de Galicia”, concluíu.
