Gonzalo Caballero reclama acordar “un novo modelo eólico” que “respecte a paisaxe, a natureza e o patrimonio cultural e que permita que os beneficios cheguen tamén á xente”
Gonzalo Caballero esixe á Xunta ampliar os programas contra a pobreza infantil para “reforzar os dereitos da infancia” ante a actual crise
04/06/2021
G. Caballero demanda á Xunta que entregue os 14.500 portátiles que o goberno de España envía para o alumnado galego e os 234 millońs de euros para pemes e autónomos de Galicia
07/06/2021
O secretario xeral participa na manifestación en prol dun cambio de modelo eólico e critica que a Xunta estea “sen rumbo” no necesario desenvolvemento das enerxías limpas
Santiago, 5 de xuño de 2021. O secretario xeral do PSdeG, Gonzalo Caballero, participou hoxe nunha manifestación que percorreu as rúas de Compostela para reclamar á Xunta “un novo modelo eólico” construído en torno ao “acordo e o diálogo”.
Tal e como manifestou Gonzalo Caballero ante os medios de comunicación ao inicio da protesta, o novo modelo eólico ten que “respectar a paisaxe, a natureza e o patrimonio cultural” e establecer un sistema de beneficios que permita que estes redunden tamén “na xente e nos concellos”.
“Os e as socialistas cremos nas enerxías renovables, nas enerxías limpas”, subliñou o líder do PSdeG, convencido de que “o futuro enerxético ten que vir da man do impulso das enerxías alternativas, entre as cales está a eólica”. Iso si, deixou claro que o seu desenvolvemento debe ser “equilibrado”.
“Hai que respectar a natureza, a paisaxe e o patrimonio natural e cultural, e buscar acordos coas comunidades locais que permitan que o reparto dos beneficios redunde no territorio”, detallou Gonzalo Caballero, para remarcar que “iso non está ocorrendo en moitos casos hoxe en Galicia”.
“Atopámonos con que a Xunta carece da habilidade e da sensibilidade de saber apostar polas enerxías renovables de acordo a un territorio e unha paisaxe que necesitan apoio e respecto”, reprobou o secretario xeral do PSdeG.
“NOVO MODELO EÓLICO”
En fronte, Gonzalo Caballero requiriu “un gran acordo para pactar un novo modelo eólico” no que o desenvolvemento das renovables “atenda adecuadamente o conflito que existe entre a paisaxe e o patrimonio natural e cultural e a implantación de muíños de vento”.
“Hai que buscar un adecuado equilibrio para conseguir que o desenvolvemento da eólica non se faga a costa da natureza, dos enclaves de valor cultural e histórico ou das comunidades locais”, afondou, ao tempo que avogou por “artellar unha axeitada distribución dos beneficios” do sistema eólico “para que cheguen ás comunidades locais, aos concellos e á xente”.
“Non pode buscarse un modelo de enerxía eólica no que os custes sobre a paisaxe os temos que repartir entre todos e os beneficios os leven só algunhas grandes empresas”, argumentou o máximo dirixente do PSdeG. “Hai que equilibralo”, finalizou.
