A Xunta deixou sen executar o 64,1 por cento do orzamento previsto para Acceso á Vivenda no ano 2020
Gonzalo Caballero anuncia unha emenda á totalidade da Lei de Recoñecemento da Universidade Privada que non conta co aval das universidades públicas galegas
21/04/2021
Marina Ortega propón á Xunta que destine o orzamento aforrado na RISGA grazas á implantación do IMV en “itinerarios de inserción laboral en coordinación cos servizos sociais”
22/04/2021
O portavoz de Vivenda do Grupo Socialista, Luis Álvarez, vén de presentar unha batería de iniciativas parlamentarias para esixirlle á Xunta que garanta a execución da totalidade do Orzamento previsto no programa de Acceso á vivenda. O responsable socialista lembra que no exercicio 2020 a Xunta deixou sen executar 2 de cada 3 euros destinados á promoción de vivenda.
De acordo cos datos remitidos polo goberno galego, durante 2020 deixaron sen executar o 64,1 por cento dos 27,4 millóns de euros que figuraban como crédito vixente nesta partida. É dicir, explicou, tan só gastaron 9,8 millóns de euros e deixaron sen gastar 17,6 millóns dunha partida fundamental para o benestar dos galegos e das galegas, e na que ademais o goberno galego conta con competencia exclusiva, de acordo co Estatuto de Autonomía.
O Grupo Socialista esíxelle ao Executivo autonómico un informe urxente explicando as razóns do baixo nivel de execución deste programa, sinaladamente no último ano de vixencia do Plan galego de rehabilitación, aluguer e mellora de acceso á vivenda 2015 – 2020, coñecido como Plan RehaVita, e as repercusións sobre os colectivos potencialmente beneficiarios.
