Orzamentos 2020: A Xunta só executou 200.000 euros dos 8 millóns anuais de transferencais do Pacto contra a Violencia de Xénero
Orzamentos 2020: A conselleira de Infraestruturas convirte unha comparecencia nun mitin para agochar que ten o departamento que menos medra
25/10/2019
Gonzalo Caballero propón ao alcalde de Vilagarcía para presidir a Fegamp: “Queremos amosar unha nova xeración que representa a Galicia que queremos para o futuro”
26/10/2019
A viceportavoz do Grupo Socialista, Patricia Vilán, denunciou hoxe o desinterese do goberno galego coa loita contra a violencia machista. Na comparecencia en Comisión do conselleiro de Presidencia para presentar os Orzamentos do seu departamento para 2020, acusouno de basear o incremento orzamentario nas aportacións do Pacto de Estado contra a Violencia de Xénero que despois deixan sen executar.
A parlamentaria socialista presentou os datos de execución orzamentaria a 30 de setembro, nos que figura que a Consellería tan só executou 200.000 euros dos algo máis de 8 millóns que lle aporta o Estado neste concepto. Sinalou que “chama a atención esta baixa execución cando esta administración ten manifestado durante meses os plans e medidas que tiña previsto levar a cabo” e esixiulle as previsións de gasto para os 16 millóns acumulados entre 2018 e 2019.
Vilán cualificou de “francamente ridículo” un incremento previsto de pouco máis de 160.000 euros no programa de Protección e Apoio das mulleres que sofren violencia de xénero, apenas un 1,19 por enriba do pasado ano, moi por debaixo do incremento dos orzamentos da Consellería, que se sitúa no 4,38 por cento.
Sen embargo, criticou que a Xunta lle dedique “cero euros” do Orzamento ás accións, programas e campañas para impulsar a participación, a concienciación e a sensibilización de toda a sociedade en conceptos como igualdade, dignidade e respecto do colectivo LGTBI.
Memoria Histórica
A responsable socialista denunciou hoxe o “desleixo crónico” do PP coa Lei de Memoria Histórica, totalmente “ausente dos Orzamentos da Consellería de Presidencia” nos que “non lle dedica un só euro”. Lembrou a obriga do goberno galego de cumprir coa norma para restaurar na medida do posible unha inxustiza cos familiares das vítimas do Franquismo.
Vilán criticou tamén o retraso na execución do Plan de Infraestruturas Xudiciais 2015-2020, que continúa acumulando retrasos a pesares de ir xa cinco anos por detrás da data prevista. Criticou que o persoal da Xustiza en Galicia sexan os únicos funcionarios que aínda non viron o incremento do IPC galego, e lembrou o compromiso de implantar a carreira profesional para este persoal, acadado logo da folga da Xustiza convocada o pasado ano.
