O PSdeG quere trasladar a súa solidariedade e apoio ás familias das vítimas do naufraxio do pesqueiro de Marín “Villa de Pitanxo”, esta mañá en augas de Canadá. Os socialistas galegos están “sobrecollidos” polo suceso e queren acompañar ao mundo do mar, que hoxe volve estar de loito.

O PSdeG quere acompañar ás familias dos pescadores, a todo o pobo de Marín e aos milleiros de traballadores e traballadoras do mundo do mar mentres agardan polas novas relativas ás tarefas de rescate, que permiten albiscar un pouco de esperanza logo do rescate polo momento de 3 dos 22 tripulantes do pesqueiro.