O PSdeG responsabiliza á Xunta da falta de persoal sanitario pola “última década de recortes” e a oferta de condicións laborais precaria
Paloma Castro denuncia no Parlamento a falta de médicos e de pediatra en Cercedo-Cotobade
08/08/2023
Noa Díaz esixe á Xunta que actúe “con contundencia” e reforce a prevención ante a escalada de casos de violencia machista
09/08/2023
Julio Torrado apunta a que nalgunhas zonas turísticas como o Salnés ou o Barbanza hai ata dez días de lista de espera en atención primaria
O viceportavoz do Grupo Socialista no Parlamento, Julio Torrado, responsabilizou este martes ao goberno da Xunta da falta de persoal sanitario pola “última década de recortes” no Sergas e as condicións laborais precarias que se ofrecen.
Ante a fotografía un novo verán dun gran número de queixas de veciños e profesionais por toda Galicia pola falta de persoal sanitario na atención primaria, algo que xa ocorre durante o ano e que se acrecenta polas vacacións, Julio Torrado critica o “inmobilismo” do goberno galego, “que non por habitual deixa de ser asombroso”, alegou.
O deputado socialista sinala que vemos de novo zonas turísticas como o Salnés ou o Barbanza hai ata dez días de lista de espera en atención primaria, sen dispoñer dunha cita médica en todo agosto nalgúns PAC, asegura. Así mesmo, indica que nas cidades “non funciona mellor” con saturacións e esperas. Para el, “esta falta de cobertura é un problema tanto para os profesionais como para os usuarios”, apuntou.
O tamén voceiro do grupo Socialista para asuntos de sanidade entende que “a Xunta semella dar por válida a situación apelando a que non hai médicos de primaria”, pero destaca que dende o executivo esquecen “os problemas de persoal en enfermaría onde hai moitísimo profesional dispoñible e que os problemas tamén están nos hospitais onde hai demoras ou seu adían consultas e cirurxías”.
A causa de toda esta situación é para Torrado que a Xunta leva dez anos recortando os medios ao sistema sanitario público, decidindo non formar aos médicos (MIR) suficientes e agora apunta ás condicións laborais, “que son as que impiden que teñamos os profesionais necesarios como denuncian todos os colectivos dende hai moitísimo tempo e aos que a Xunta non quere escoitar”, sentenciou.
