O PSdeG reclama á Xunta un comité de seguimento do coronavirus que inclúa a todas as forzas e propón acadar xa un consenso para unha nova data electoral
Gonzalo Caballero, disposto a estudar un cambio de data electoral se así o fixasen as recomendacións sanitarias e existisen todas as garantías legais
12/03/2020
Gonzalo Caballero asegura que o PSdeG será “un colaborador leal” do Goberno e da Xunta na loita contra o coronavirus: “Entre todos imos gañar a batalla”
16/03/2020
Santiago, 13 de marzo de 2020. O secretario xeral do PSdeG, Gonzalo Caballero, reclamou á Xunta a instauración dun comité de seguimento que inclúa a todas as forzas, a fin de ter información actualizada sobre a propagación do coronavirus e as medidas a tomar, tanto no eido sanitario como no que atinxe á mobilidade, á economía e ás condicións de traballo na comunidade.
En paralelo, Gonzalo Caballero reiterou a vontade expresada onte de buscar vías legais que permitan o aprazamento das eleccións autonómicas dadas as recomendacións sanitarias, e considerou necesario acadar xa un consenso sobre a nova data.
En liña co expresado onte, o líder do PSdeG reiterou que o aprazamento debe contar con todas as garantías no eido legal e debe facerse con consenso de todos os partidos, un acordo que debe levar aparellado tamén unha nova data para celebrar os comicios.
“A prioridade ten que ser a saúde dos galegos e das galegas”, defendeu Gonzalo Caballero, ao tempo que demandou que a Xunta habilite un comité no que os partidos teñan acceso aos datos e recomendacións das autoridades sanitarias e capacidade para coñecer de primeira man as medidas que o goberno galego impulsará para reforzar o Sergas e para colaborar cos sectores e coas empresas afectadas.
