O PSdeG esixe ao ADIF a retirada do vagón tirado ao río Sil e a restitución dos danos causados
Autocompracencia en Educación logo de ter sumido aos centros no “caos organizativo” fronte ao novo curso
31/07/2020
Gonzalo Caballero anuncia “catro anos de traballo ao servizo de Galicia”: “Seremos a voz da cidadanía que non se resigna e quere mellorar o país”
04/08/2020Santiago, 4 de agosto de 2020. O PSdeG esixiu hoxe ao ADIF a retirada do vagón tirado ao río Sil e a restitución dos danos medioambientais causados.
Ademais, o PSdeG reclamou que se avalíe a situación dos outros vagóns que permanecen na beira da vía do tren logo do descarrilamento o pasado domingo, e que se retiren tomando todas as medidas de seguridade ambiental precisas.
“É incomprensible”, profundaron os socialistas galegos, que a recuperación dos vagóns non se leve a cabo seguindo procedimentos que non impliquen danos para o medio e para a seguridade ferroviaria.
Por iso, recalcaron que agora o prioritario é levar a cabo a recuperación do vagón tirado ao río Sil, restaurar os danos provocados nas augas e no ecosistema e retirar canto antes o resto dos vagóns que se atopan xunto á vía.
