O Goberno do Estado asignou un total de 5,9 millóns de euros, procedentes dos fondos europeos do Mecanismo de Recuperación e Resiliencia (MRR), para que Galicia cree estes espazos. En febreiro de 2023, o Goberno central asinou un acordo coa Consellería de Sanidade para habilitar estes centros en hospitais das áreas sanitarias de Ferrol, Lugo, Santiago de Compostela e Vigo. A día de hoxe non sabemos que pasa con eles

“A violencia sexual en Galicia aumentou de maneira alarmante, cun incremento do 30 % nas denuncias non últimos tres anos”, declarou a deputada Paloma Castro. “Por iso, é máis necesario que nunca contar con estes centros, que aseguren unha atención inmediata e de calidade para as vítimas”

O Grupo Parlamentario Socialista de Galicia, a través da deputada Paloma Castro, presentou unha proposición non de lei para a inmediata creación de centros de crises 24 horas que ofrezan atención integral ás vítimas de violencia sexual en cada provincia da Comunidade Autónoma.

O PSdeG subliña que a creación destes centros é unha obrigación derivada do Convenio de Istambul, o cal esixe aos gobernos garantir a protección e asistencia ás vítimas de violencia sexual. Estes centros proporcionarían unha resposta especializada e multidisciplinar para atender ás vítimas de maneira confidencial, gratuíta e continua as 24 horas do día, facilitando apoio médico, psicolóxico e legal.

“A violencia sexual en Galicia aumentou de maneira alarmante, cun incremento do 30 % nas denuncias no últimos tres anos,” declarou a deputada Paloma Castro. “Por iso, é máis necesario que nunca contar con estes centros, que aseguren unha atención inmediata e de calidade para as vítimas.”

O Goberno do Estado asignou un total de 5,9 millóns de euros, procedentes dos fondos europeos do Mecanismo de Recuperación e Resiliencia (MRR), para que Galicia cree estes espazos. En febreiro de 2023, o Goberno central asinou un acordo coa Consellería de Sanidade para habilitar estes centros en hospitais das áreas sanitarias de Ferrol, Lugo, Santiago de Compostela e Vigo.

A proposta do PSdeG baséase na urxencia da situación e na necesidade de cumprir cos compromisos internacionais adquiridos por España. Os socialistas consideran imprescindible que o Goberno galego habilite estes centros antes do 31 de decembro de 2024, tras recibir unha ampliación do prazo orixinal que vencía a finais de 2023.

“É vital que os centros estean operativos canto antes. Deben ser un piar esencial na protección das vítimas de violencia sexual, ofrecendo acompañamento médico, psicolóxico e legal nos momentos máis críticos,” engadiu Paloma Castro.

Os centros de crises estarán dotados de persoal especializado, con profesionais da sanidade, psicoloxía e dereito, e ofrecerán atención integral para asegurar que as vítimas reciban o apoio necesario durante todo o proceso, incluíndo o acompañamento nos procedementos xudiciais.

O Grupo Parlamentario Socialista de Galicia reitera o seu compromiso con esta causa e esixe ao Goberno galego que cumpra coa súa responsabilidade de implementar estes centros antes da data límite. A habilitación destes centros supón un paso esencial na loita contra a violencia sexual en Galicia, proporcionando ás vítimas un recurso accesible e eficaz para a súa protección e asistencia.