Paloma Castro denuncia no Parlamento a falta de médicos e de pediatra en Cercedo-Cotobade
O PSdeG pídelle a Rueda que abandone xa a operación de “salvar ao soldado Feijóo” e se ocupe dos problemas de Galicia
07/08/2023
O PSdeG responsabiliza á Xunta da falta de persoal sanitario pola “última década de recortes” e a oferta de condicións laborais precaria
08/08/2023
A deputada Paloma Castro insta á Xunta a resolver este “déficit sanitario” xa que entende que a situación “non pode seguir así, a veciñanza non está asistida actualmente”
A deputada do Grupo Socialista no Parlamento de Galicia, Paloma Castro, rexistrou unha batería de iniciativas para denunciar e instar á Xunta a que resolva as deficiencias sanitarias no concello de Cercedo-Cotobade que sofre a falta de médicos de cabeceira e de pediatra, así como a necesidade de dotar dunha ambulancia ao PAC de Cercedo para realizar os traslados ao Hospital Provincial.
A deputada pontevedresa, Paloma Castro, despois de reunirse con veciños e profesionais afectados pola situación no centro de saúde de Tenorio, trasladou á Cámara galega a situación sanitaria do concello de Cercedo Cotobade. Quixo denunciar que “outro verán máis” hai neste municipio “unha carencia total de médicos, con baixas sen cubrir, vacacións sen cubrir e sen pediatra”, alegou.
“Non pode seguir así, a veciñanza non está asistida actualmente”, sinalou Castro, ao verse obrigados os usuarios deste municipio a acudir ao centro de saúde da Parda en Pontevedra ou ao Hospital Montecelo.
A deputada socialista critica que “o goberno de Rueda está unicamente a poñer parches e beneficiar á sanidade privada e non está a cubrir as carencias existentes dos centros de saúde do territorio galego”, por elo reclama que “tome medidas reais para cubrir as necesidades sanitarias” que hai en Galicia.
En concreto, a deputada refírese a que nesta vila dos catro profesionais de atención primaria adscritos, un traballa a tempo parcial, hai dous de vacacións, estando un destes postos sen cubrir e o outro cuberto por un profesional que acode en días alternos, e o por último, un que está de baixa. O que quere dicir que das catro prazas, só hai un traballando con xornada parcial e outro en días alternos.
Como así conta Paloma Castro, na área de pediatría do centro de Saúde de Tenorio hai unha baixa por traslado que non foi cuberta, habendo só unha enfermeira pediátrica e un médico pediatra compartido co concello de Forcarei que acode dous días á semana, polo que se derivan aos nenos e nenas enfermos ao Hospital Provincial de Pontevedra. Así mesmo, usuarios e profesionais demandan que se dote ao centro de saúde de Cercedo dunha ambulancia para realizar traslados ao Hospital Provincial en situacións de urxencia.
