O PSdeG celebra a transferencia do litoral e advirte que o autogoberno non se exerce con confrontación, senón con responsabilidade
O Grupo Socialista advirte “moita literatura e pouca concreción” no Plan de Comercio da Xunta
09/04/2025
O PSdeG reclámalle á Xunta unha liña de axudas para que as persoas celíacas poidan facer fronte ao sobrecusto dos alimentos sen glute
10/04/2025
Os e as socialistas sinalan que esta transferencia podería terse conseguido hai tempo se o PP optase por solicitar a competencia polos cauces existentes, en lugar de recorrer á confrontación permanente
Lembran que durante o Goberno presidido por Emilio Pérez Touriño (2005-2009) formalizáronse ata 12 traspasos de competencias, fronte á pasividade amosada polo PP, que só pediu esta
O PSdeG celebra que hoxe se faga efectiva a transferencia das competencias de ordenación e xestión do litoral a Galicia, un paso importante no camiño do autogoberno e do recoñecemento das capacidades da nosa comunidade para decidir sobre os seus recursos.
“Queremos agradecer expresamente a presenza do ministro de Política Territorial e Memoria Democrática, Ángel Víctor Torres, nun acto que simboliza a vontade do Goberno de España de avanzar na descentralización e na colaboración institucional”.
Dende o PSdeG “sempre defendemos un autogoberno útil, rigoroso e ao servizo do ben común. Por iso consideramos positivo que Galicia gañe capacidade de decisión, mais tamén advertimos que estaremos vixiantes para que esta competencia se exerza con responsabilidade e sen intereses partidistas.
Dende o PSdeG sinalan o feito de que “esta transferencia podería terse conseguido hai tempo se o PP optase por solicitar a competencia polos cauces existentes, en lugar de recorrer á confrontación permanente”. Cabe lembrar que durante o Goberno presidido por Emilio Pérez Touriño (2005-2009) formalizáronse ata 12 traspasos de competencias, “fronte á pasividade amosada polo PP, que só pediu esta”.
