O Parlamento aproba unha proposta socialista para reclamarlle á Xunta que axilice as prórrogas dos plans turísticos de sustentabilidade dos que dependen 130 millońs de euros de fondos para os concellos
Paloma Castro denuncia os recortes en inclusión social e atención á Dependencia nos orzamentos da Xunta para 2025
25/10/2024
Besteiro sitúa a transición enerxética como “a verdadeira oportunidade” para o emprego e a industria tras 15 anos de parón do PP nas renovables
26/10/2024
Lara Méndez alerta de que a final deste ano remata o prazo para xustificar o cumprimento de plans por importe de 30 millóns de euros de axudas da UE
A Comisión de Turismo do Parlamento aprobou hoxe unha proposición non de Lei presentada polo Grupo Socialista para pedirlle á Xunta que axilice a consecución das prórrogas dos plans turísticos de sustentabilidade acordados cos concellos. A portavoz de Turismo do Grupo Socialista, Lara Méndez, advertiu que é “imprescindible” que a Xunta desbloquee a prórroga destes convenios en prazo para non poñer en risco 130 millóns de euros de fondos europeos, 30 dos cales teñen como límite o final deste mesmo ano.
Méndez explicou que estes fondos foron entregados a Galicia dentro do Plan de modernización e competitividade do sector turístico coa condición de que xustifiquen a execución de parte deles nun prazo determinado. Sen embargo, diante da demora na sinatura dos convenios e a falla de medios dos concellos, o goberno central abriu a posibilidade de flexibilizar os fitos, pero para iso a Xunta ten que aprobar as prórrogas.
A proposta aprobada hoxe tamén lle reclama á Xunta que dea soporte técnico a aqueles concellos que se atopan en niveis baixos de execución por falta de medios técnicos para realizar as contratacións e desenvolver a carga e validación da documentación na plataforma correspondente.
Explicou que ademais de que a xestión das plataformas é “engorrosa”, dependen de informes sectoriais que a Xunta non está a axilizar, o que pon en risco que os concellos cumpran coas condicións.
A responsable socialista explicou que debe ser a Xunta de Galicia quen active os mecanismos para axilizar e garantir a xestión da que dependen os fondos, e reclámalle ao goberno galego que explique que porcentaxe destes fondos terá executados a final de ano, incluídas as accións de cohesión que xestiona o goberno galego.
Texto da iniciativa aprobada hoxe:
-“O Parlamento galego insta á Xunta de Galicia a:
- Axilizar e priorizar a tramitación das prórrogas dos plans de sustentabilidade.
- Dar soporte técnico a aqueles concellos que se atopan en niveis baixos de execución por falta de medios técnicos para realizar as contratacións e desenvolver a carga e validación de documentación na plataforma cofee”.
