O Grupo Socialista reclámalle á Xunta que garanta unha atención axeitada das necesidades educativas da diversidade do alumnado no CEIP Faxilde de Vilaxoán e do Centro de Educación Especial de Vilagarcía
O goberno galego incumpre as ratios e o persoal de apoio ao alumnado con necesidades especiais en preto de 300 aulas de toda Galicia
12/12/2024
O Grupo Socialista denuncia a “deriva delirante” da presidenta da Comisión de Investigación e do Grupo Popular
13/12/2024
Paloma Castro acusa a Educación de “discriminar aos centros” de Arousa incumprindo a obriga de garantir os recursos necesarios para os alumnos con necesidades especiais
A parlamentaria socialista Paloma Castro esixiulle á Consellería de Educación que atenda as demandas de reforzo de persoal asignado do CEIP Faxilde de Vilaxoán e do Centro de Educación Especial de Vilagarcía de Arousa. Castro presentou unha pregunta oral na Comisión de Educación que se celebrou hoxe no Parlamento na que responsabilizou ao goberno galego de provocar situacións “inasumibles” pola falla de persoal nos centros de Arousa.
Explica que actualmente o 31 por cento dos 206 alumnos do centro pertencen ao Departamento de Orientación, que atenden a alumnado con trastorno de espectro autista, trastornos condutuais, trastornos xeneralizados do desenvolvemento ou son grandes dependentes. Sen embargo, isto non supuxo un reforzo por parte do goberno galego para un centro que debera ser exemplo dunha educación inclusiva, xa que se trata dun centro de educación preferente.
Paloma Castro reclamou ademais o reforzo urxente da plantilla do Centro de Educación Especial de Vilagarcía de Arousa cunha coidadora e unha praza de enfermaría a tempo completo. Alerta de que neste caso o alumnado duplicouse dende o ano 2018, sen que iso supuxera un incremento equiparable da plantilla, xa que das 6 prazas de coidadores para 30 matrículas en 2018 pasaron a 7 para 62 alumnos en 2024.
Considera “incomprensible” que a Consellería “discrimine a estes centros sen dotalos dos recursos necesarios, provocando unha sobrecarga de traballo que imposibilita unha educación equitativa e de calidade”, situándoos nunha posición “inasumible”.
A responsable socialista apunta que esta situación é xeneralizada en toda a xeografía galega, onde o goberno galego está a incumprir a Lei Orgánica 2/2006 de Educación e o acordo asinado no pasado 10 de xaneiro coas organizacións sindicais. Todo isto, engadiu, a pesares dos fondos transferidos polo Estado para este fin a través do plan MEGA e para a mellora da Educación neste curso con 20,3 millóns de euros.
