O Grupo Socialista presenta 12 emendas ás normas de funcionamento da Comisión de Investigación dos contratos da Xunta para garantir un órgano “flexible, útil e transparente”
O Grupo Socialista esíxelle ao conselleiro de Educación que cumpra cos rateos de profesorado especializado na atención á diversidade nos centros educativos da Costa da Morte
09/10/2024
Lara Méndez esíxelle á Xunta que dea explicacións polo posible uso fraudulento do Centro de Formación Agraria de Ribadeo
09/10/2024
Elena Espinosa reclama que non poidan ser vetadas as propostas de comparecentes presentadas polos grupos parlamentarios, establece maioría cualificada para aprobar as conclusións e defende o modelo interactivo nas comparecencias
O Grupo Socialista vén de rexistrar as 12 emendas ás normas de funcionamento da Comisión de Investigación sobre a contratación pública da Administración Autonómica para garantir un órgano “flexible, útil e transparente”. A viceportavoz do Grupo Socialista e integrante do dito órgano, Elena Espinosa, explica que os socialistas reclaman que as propostas de comparecentes realizadas polos grupos parlamentarios non poidan ser vetadas.
Ademais, garante que cada un dos grupos integrantes deste órgano poida levar iniciativas e solicitar comparecencias, que se realizarán nun formato pregunta – resposta logo da introdución de cada un dos comparecentes, que durará un máximo de 20 minutos por cada grupo parlamentario, que contarán cunha quenda final de 5 minutos. Explicou que o obxectivo é reforzar o dinamismo e a utilidade do órgano, “lonxe de formatos estancados e pouco produtivos”.
Tamén establecen que as conclusións deben ser aprobadas por maioría cualificada de dous terzos dos integrantes do órgano para evitar a imposición do criterio do grupo maioritario, tal e como sucede coa proposta inicial de maioría simple. Os socialistas galegos reclaman ademais que a ponencia que elabore o proxecto de ditame da Comisión estea integrada por tódolos grupos parlamentarios que forman parte do órgano.
