O Grupo Socialista denuncia “opacidade e descontrol” na xestión do Sergas
O Grupo Socialista denuncia a “hipocrisía política” do PP ao descargar nos concellos a xestión da auga sen darlles o financiamento necesario
05/10/2022
Begoña Rodríguez Rumbo acusa á Xunta de “non facer nada” diante da caducidade inminente de 100 puntos de conexión para proxectos de enerxía eólica
05/10/2022
Julio Torrado denuncia que segundo o Consello de Contas, 8 de cada 10 contratos “a dedo” do goberno corresponden ao Sergas, que rexistra un 29 por cento de gasto irregular, ademais dos 159 millóns de euros covid “extraviados” sen explicación
O portavoz de Sanidade do Grupo Socialista, Julio Torrado, denunciou hoxe a “opacidade e descontrol” na xestión do Sergas segundo alertan os informes do Consello de Contas, que alertan de graves irregularidades contables na sanidade galega, que supón o 40 por cento do gasto público da Xunta. O responsable socialista presentou no Pleno do Parlamento unha interpelación diante da “escuridade absoluta” da contabilidade do Sergas.
Torrado presentou no Pleno do Parlamento os informes do ente fiscalizador da Comunidade Autónoma para alertar dunha “xestión opaca e preocupante” por parte dun ente que aglutina o 83 por cento dos contratos “a dedo” do goberno galego, que son asinados sen publicidade nin concorrencia competitiva. Explicou que esta porcentaxe corresponde a un montante total de 600 millóns de euros que son xestionados “polo método dixital”.
Ademais, o dito informe sobre a contratación do Sergas alerta de que o 60 por cento dos contratos do Sergas “teñen prórrogas sen xustificar”, que “non explican por que continúan, son adiados sen convocar un novo concurso nin explicar a súa excepcionalidade”. Ademais, o 29 por cento dos contratos do Sergas son “irregulares e contrarios á normativa”, segundo apunta o Consello de Contas.
159 millóns de euros extraviados
Julio Torrado esixiulle ao conselleiro de Sanidade que dea conta da xestión dos 159 millóns de euros covid entregados a Galicia dentro dos 418 millóns de euros de aportacións do Estado para sanidade e que foron desviados “a outro lado”, sen que a día de hoxe deran conta de que fixeron con eles.
O conselleiro volveu esquivar as explicacións, máis alá de confirmar hoxe que durante a pandemia a Galicia non lle faltaron recursos para sanidade, en contra de todo o que dixeran daquela tanto o presidente da Xunta como os representantes do goberno galego. Torrado preguntoulle se “non ten curiosidade por saber que pasou con eses 159 millóns de euros que tiña vostede para a súa xestión e alguén dedicou a outra cousa”.
