Nota de prensa

O GRUPO SOCIALISTA ACUSA Á XUNTA DE “CASTIGAR” AOS VECIÑOS E VECIÑAS DE MALPICA NEGÁNDOSE A CONSTRUÍR A AMPLIACIÓN DO PORTO DE ABRIGO

Patricia Iglesias esíxelle ao goberno galego que priorice unha intervención “fundamental” para a garantir a seguridade e a viabilidade económica da vila

O Parlamento aproba unha proposta do Grupo Socialista para que a Xunta garanta semente de bivalvos para repoboar a ría de Camariñas

A parlamentaria socialista Patricia Iglesias acusou hoxe ao PP e ao goberno galego de “castigar” aos veciños e veciñas de Camariñas ao negarse a atender a demanda histórica da ampliación do porto de abrigo. A responsable socialista presentou unha iniciativa na Comisión de Pesca do Parlamento para reclamarlle á Xunta que acometa esta intervención fundamental para a seguridade e a economía da vila, pero que foi rexeitada polo PP.

Iglesias urxiu ao goberno galego a “apostar polo futuro do porto de Malpica” coa redacción do proxecto e posterior construción dunha ampliación do dique de abrigo, tal e como tiña reclamado a confraría de pescadores e que resultaría fundamental para garantir a seguridade das persoas usuarias do porto e impulsar unha actividade económica “esencial” para o concello.

Alertou do serio perigo que supoñen as condicións de acceso actuais á dársena do porto, onde as embarcación teñen que afrontar correntes perigosas que complican a circulación, provocando accidentes e danos na dársena e nas propias embarcacións. Lembrou que esta situación provocou mesmo un accidente con resultados fatais a finais de 2018, unha situación que “non se debera de volver a repetir” sen que antes portos de Galicia dera unha reposta aos problemas do porto interior.

Sinala que a busca de solucións aos problemas de seguridade deste porto debera incluír unha solución que permita impulsar as capacidades económicas do porto, aumentando as súas capacidades permitíndolle acadar a posición referente para o sector da pesca que lle corresponde.

Sinala que a ampliación do dique de abrigo, tal e como fora proxectado pola confraría de pescadores e defendido polo anterior alcalde, o socialista Walter Pardo, permitiría rematar cos problemas de seguridade e darlle un impulso á actividade económica do porto, esencial para o futuro da vila. 

Explicou que a obra habilitaría a chegada dos arrastreiros para descargar mercadoría aproveitando a situación estratéxica do porto para dar un salto cualitativo que permitiría recuperar emprego e aumentar a riqueza de Malpica.

Camariñas

A Comisión de Pesca do Parlamento aprobou hoxe unha iniciativa presentada polo Grupo Socialista para reclamarlle á Xunta que atenda aos colectivos e axentes vencellados co marisqueo na ría de Camariñas e garanta a semente de bivalvos que permita rexenerar a ría e recuperar a produción marisqueira.

A parlamentaria socialista Patricia Iglesias lembrou a situación alarmante do marisqueo en Galicia, cunha caída do 70 por cento na facturación e as capturas de bivalvos que tamén afecta á ría de Camariñas, onde nos primeiros meses deste ano as capturas caeron un 76 por cento en comparación co ano pasado. Iglesias pediulle á Xunta que siga o exemplo do Concello, que tivo que asumir un investimento de 3.800 euros esta mesma semana para apoiar ao sector.

Advirte que os portos da Costa da Morte, Barbanza e Muros – Noia tan só despacharon 78.232 quilos entre xaneiro e marzo, que contrastan cos 328.000 do primeiro trimestre do ano pasado, e os bancos marisqueiros de Camariñas en concreto reflicten unha situación “moi preocupante” xa que non ese están a rexenerar naturalmente. Deste xeito, boa parte das 120 mariscadoras de Camariñas carecen de ingresos e levan anos sen recoller “nin un só quilo de berberecho”.