Noa Díaz pide á Xunta unha solución urxente ante os “problemas de mala planificación e funcionamento” do transporte na Barbanza
Gonzalo Caballero urxe á Xunta un “escudo habitacional” para protexer á cidadanía tralo “desastre” das políticas de Feijóo: “Só 2 vivendas protexidas en 2018 e agora anuncia só 76 vivendas para familias vulnerables”
05/04/2022
Pablo Arangüena reclámalle á Xunta que asuma as súas responsabilidades ante o “revolcón xudicial que lle deu o TSXG” coas sentenzas que anulan parte do trazado da Vía Ártabra
05/04/2022Noa Díaz pide á Xunta unha solución urxente ante os “problemas de mala planificación e funcionamento” do transporte na Barbanza
Deputadas e deputados socialistas xunto á delegación de representantes socialistas dos concellos da Barbanza que asistiron hoxe ao Parlamento, convidados polo PSdeG, para ver en directo a sesión plenaria
Pide ao Executivo galego que “sente de novo cos concellos e adopte unha postura construtiva” para mellorar o modelo de transporte público coa restitución das liñas suprimidas e o incremento dos servizos que cubran as necesidades da veciñanza
A deputada socialista Noa Díaz vén de urxir á Xunta unha solución ante os “problemas de mala planificación e funcionamento” do transporte interurbano na Barbanza. Fíxoo, hoxe, no Pleno do Parlamento, a través dunha pregunta oral á conselleira de Transporte, na que reivindicou que “sente de novo cos concellos e adopte unha postura construtiva” para mellorar o modelo de transporte público nesta comarca.
Dende que hai aproximadamente un ano que comezou a nova adxudicataria a prestar este servizo, “son numerosas as queixas das usuarias e usuarios de toda Galicia polos problemas que está a dar”, alertou a socialista. Unha situación, sinalou, que se produce de “maneira recorrente” nos concellos da comarca, unha área con preto de 70.000 habitantes e cunha “forte mobilidade”.
Con todo, Díaz, incidiu en que “a oferta actual non satisfai toda demanda porque está baseada nun concepto herdado do anterior contrato” no que “nin se innovou nin se pretendeu facer gala dunha maior sostibilidade, como así lle propuxeron os concellos do Barbanza”.
“A veciñanza da Barbanza esixe unha solución inmediata”, reivindicou a voceira socialista, que pediu que esta pase pola restitución das liñas suprimidas e por un incremento dos servizos que cubran as necesidades da cidadanía da contorna.
Neste marco, Díaz trasladou a proposta dos municipios da comarca que, aproveitando as potencialidades da autovía AG-11, propoñen conectar nunha única liña de transporte os catro polígonos industriais situados en Ribeira, A Pobra, Boiro e Rianxo, “paradas das que a modo de lanzadeira sairían autobuses de menor porte que conectarían cos núcleos urbanos dos concellos, efectuando así moitas máis paradas”.
“Isto supón un novo modelo máis eficiente e dende logo moito máis sostible e ecolóxico” e, desta maneira, incidiu, “responderíase ás necesidades de frecuencia e horarios do transporte interurbano, que na súa maioría se emprega para ir ao centros de traballo, á vez que se solucionarían o resto das demandas da poboación”.
Por último, Díaz lamentou que, malia o “descontento xeral de toda a poboación”, coñecido xa pola Consellería de Transportes, e a pesares da proposta remitida polos concellos da comarca, dende a Xunta “fixeron caso omiso”.
