Noa Díaz esíxelle á Xunta que poña “tódolos medios ao seu alcance” para “impedir que os Franco poidan trasladar os BIC de Meirás”
Gonzalo Caballero reivindica este 1 de maio os dereitos dos traballadores e a xeración de emprego para “saír desta crise con igualdade e sen ruptura social”
01/05/2021
Gonzalo Caballero sinala que a Xunta “renunciou a ser motor da reactivación de Galicia”: “Tendemos a man para impulsar o emprego e a modernización e frear a desigualdade”
03/05/2021
A portavoz de Cultura do Grupo Socialista, Noa Díaz, presentou unha iniciativa parlamentaria para esixirlle á Xunta que faga valer a especial protección dos bens declarados BIC depositados no Pazo de Meirás. Urxe ao goberno galego a empregar “tódolos medios ao seu alcance” para impedir que a familia Franco traslade os bens que dispoñan deste tipo de protección, así como os de especial importancia patrimonial.
Sinala que “mentres que a xustiza actúa, a Xunta de Galicia debe preservar este patrimonio e garantir que vai permanecer no noso territorio apelando á especial protección á que está sometido”. Díaz advertiu que “non se pode permitir que a familia Franco, autora do maior espolio da nosa Historia, pretenda facerse co patrimonio do Pazo, que nunca foi seu e si de todos os galegos e as galegas”.
Lembra que os Bens de Interese Cultural –BIC- “están sometidos á protección da Lei de Patrimonio Cultural de Galicia 5/2006, e concretamente a Xunta de Galicia debe garantir a súa protección, o que pasa por impedir a súa mobilidade”.
Sinala así ás estatuas de Abraham e Isaac, que son bens recoñecidos como BIC, así como os máis de 3.000 libros da biblioteca de Emilia Pardo Bazán, e outros bens, como as dúas pías bautismais do século XII, que pertencen á igrexa románica de San Xián de Moraime –Muxía-.
