Gonzalo Caballero: “Neste momento de crise, é máis necesario que nunca defender os dereitos dos traballadores e o estado do benestar”
Gonzalo Caballero chama a Feijóo a deixar “a estratexia do PP” e “aportar solucións” en vez de “entorpecer” na desescalada
30/04/2020
Gonzalo Caballero lamenta que Feijóo non enviara máscaras aos galegos para o inicio do desconfinamento: “Prefire confrontar co goberno”
02/05/2020
O secretario xeral amosa neste 1º de Maio o seu “compromiso” coa muller traballadora e dedica “un recoñecemento especial” aos profesionais sanitarios
Santiago, 1 de maio de 2020. O secretario xeral do PSdeG, Gonzalo Caballero, destacou hoxe, neste 1º de Maio, que “neste momento de crise económica e social, é máis necesario que nunca defender os dereitos dos traballadores, un modelo produtivo acorde aos dereitos sociais e o estado do benestar”.
A través dun vídeo que subiu ás súas redes sociais, o máximo dirixente do PSdeG sumouse así a unha celebración “distinta” do Día Internacional dos Traballadores por mor do confinamento.
Deste xeito, puxo o foco na importancia de “defender os dereitos da clase traballadora”, de fortalecer o estado do benestar para “dar protección social ao conxunto da cidadanía” e de reivindicar “un emprego de calidade, digno e estable”.
Ademais, Gonzalo Caballero fixo especial fincapé no “compromiso” dos socialistas cos dereitos das mulleres traballadoras, que “sofren unha fenda salarial que evidencia a desigualdade” que aínda existe.
En paralelo, o líder do PSdeG dedicou “un recoñecemento especial” aos traballadores e traballadoras da sanidade pública, que hoxe máis que nunca “están defendendo a nosa saúde”. “Quero manifestar o noso orgullo e o noso agradecemento pola súa labor”, concluíu Gonzalo Caballero.
