Formoso reclama dende Guitiriz o impulso do interior de Galicia
Formoso empraza ao municipalismo socialista como plataforma para “alcanzar a Xunta en 2024” coa proposta dunha “Galicia nova e máis ilusionada”
28/05/2022
Formoso acudirá á xuntanza co presidente da Xunta para reclamarlle a solución ao colapso sanitario, a mellora da protección social aos maiores e o impulso da I+D+i
29/05/2022
O líder dos socialistas galegos participa na V Festa da Torta de Millo de Guitiriz
O secretario xeral do PSdeG, Valentín González Formoso, visitou hoxe Guitiriz –Lugo-, dende onde lle reclamou á Xunta que “se poña a traballar para impulsar o desenvolvemento equilibrado do interior de Galicia”, garantindo unha calidade de vida en igualdade de condicións. Así o dixo na súa visita á V Festa da Torta de Millo de Guitiriz, xunto coa alcaldesa da localidade, Marisol Morandeira, e o presidente da Deputación de Lugo, José Tomé.
O responsable socialista achegouse ata a localidade chairega para apoiar esta cita gastronómica e cultural que o concello recuperou logo de dous anos de parada obrigada polos efectos da pandemia.
Formoso salientou o esforzo do Concello e da Deputación de Lugo para impulsar este certame, dirixido a fomentar un turismo sostible e de calidade, que impulsa os produtos de proximidade e que pon en valor o patrimonio propio.
Reivindicou un desenvolvemento equilibrado do territorio e fixo un chamamento ao goberno autonómico para “poñerse a traballar e impulsar o interior de Galicia” a través do impulso das infraestruturas e dos servizos públicos en condicións de igualdade para a cidadanía do rural.
