Formoso ao embaixador de Ucraína: “Poden contar coa solidariedade de Galicia”
Julio Torrado insta á Xunta a “pasar das palabras aos feitos” ante a chamada de atención que supón a presentación no Parlamento da ILP sobre saúde mental
22/03/2022
Luis Álvarez denuncia a ausencia de medidas “serias e contundentes” por parte da Xunta e censura que Feijóo empregue o Parlamento galego como foro para a súa “proxección persoal”
22/03/2022
Atende á petición do embaixador para reclamar o envío de ambulancias galegas a Ucraína para darlles unha segunda vida no traslado de refuxiados a través dos corredores humanitarios
O líder dos socialistas galegos anuncia a disposición dos concellos socialistas de acoller refuxiados, e pediralle á Xunta incorporar ao ucraínos acollidos ao sistema galego de Política Social
O secretario xeral do PSdeG, Valentín González Formoso, mantivo hoxe unha reunión co embaixador de Ucraína en España, Serhii Pohoreltsev, para trasladarlle a “inmensa solidariedade do pobo galego” con Ucraína, demostrada pola “masiva acollida” de refuxiados polos concellos socialistas. Reiterou a condena “sen equidistancias nin ambigüidades” á invasión por parte de Rusia vulnerando o dereito internacional.
Valentín González Formoso respaldou a petición do embaixador ucraíno de enviar ambulancias galegas a Ucraína. Por iso anunciou que proporá a doazón destes vehículos, que permita darlles unha segunda vida útil para “trasladar a mulleres, nenos e enfermos dende as cidades bombardeadas por Putin ás zonas de refuxiados a través de corredores humanitarios”.
Anunciou que reclamará unha liña de conversas co Sergas e as compañías de ambulancias para permitir empregar estes vehículos en desuso, así como de poñerse en contacto coa Axencia Española de Cooperación Internacional para coordinar estas axudas.
Explicou que “coñecemos o sector, e sabemos que hai vehículos en perfectas condicións que a partir duns determinados anos non poden seguir prestando servizo en Galicia pola normativa autonómica”.
Sistema galego de Política Social
Formoso anunciou a proposta socialista para incorporar de forma urxente como beneficiarios do sistema galego de Política Social aos cidadáns ucraínos acollidos en Galicia. Ademais, salientou a “intención de tódalas institucións con presenza do PSdeG de acoller de forma regulada e ordenada a cidadańs ucraínos” obrigados a fuxir da guerra.
Neste encontro, o responsable socialista recolleu do embaixador as necesidades de material humanitario necesarias para que os cidadáns de Ucraína “poidan soportar esta invasión inxusta de Putin contra a que tódolos galegos e galegas e case tódalas formacións políticas somos absolutamente contrarias”.
