Begoña Rodríguez Rumbo denuncia que a Xunta adícase a “facer actos de publicidade e propaganda” e en “buscar culpables para tapar a súa ineficacia”

A vicevoceira do grupo socialista, Begoña Rodríguez Rumbo, criticou este venres que o goberno galego entregue a Axenda Enerxética de Galicia 2030 tres meses despois da súa presentación en sede parlamentaria, por parte do director xeral de Planificación Enerxética e Recursos Naturais.

Begoña Rodríguez Rumbo amosou o enfado dos socialistas ao recibir en medio da Comisión 6ª de Industria, Enerxía, Comercio e Turismo, a nova de que a Xunta subiu á páxina web do Inega o documento da Axenda Enerxética cara 2030. De xeito irónico, felicitou aos deputados do Partido Popular pola publicación da mesma, alegrándose de que a iniciativa socialista lograra o seu obxectivo en último término.

O director xeral de Planificación Enerxética e Recursos Naturais, Fernández Vila, comprometeuse en outubro de 2022 a entregar este documento aos grupos políticos da cámara. Esta tardanza leva á deputada socialista a pensar que non estaba afeita, e que nestes tres meses que transcurriron, na Xunta puxéronse a traballar neste asunto. Asegurou que durante a comisión, media hora despois do seu inicio, comprobou a web e o documento non estaba subido.

Recordou que algo similar pasou coa anterior Axenda Enerxética que tiña que facer a Xunta e que só foi publicada tralos constantes requirimentos da oposición. Para Rodríguez isto é a consecuencia de que “o PP non teña axenda enerxética”, xa que cre que non apostan polas distintas políticas que a compoñen, incidindo en que “non ten axenda de enerxías renovables, nin sobre economía circular, nin sobre descarbonización, sobre desenvolvemento tecnolóxico, nin sobre os fondos Next Generation…”.

Cre que é “un acto de fe” confiar en que de aquí á data límite de 2024 vanse a executar os 634 millóns de euros asignados a distintos proxectos de enerxías renovables, desenvolvemento sostible ou economía circular, entre outras cousas, que anunciou o goberno galego.

Rodríguez Rumbo resaltou que o problema do goberno galego e do PP é “que non traballan”, ese é o motivo último do atraso nesta axenda, ao igual que ocorreu cos informes de impacto ambiental dos parques eólicos. Para a deputada socialista só están pendentes de “facer publicidade e propaganda” así como “buscar culpables ante a súa xestión ineficaz”.

Finalizou a súa intervención recordando os postulados do seu partido neste ámbito, xa que “a diferencia do PP” que “non respecta absolutamente nada o medio ambiente”, o PSdeG defende “un desenvolvemento eólico racionalizado, de xeito estratéxico, vinculado ao territorio e respectuosa ao medios ambiente”, alegou.