Carmen Dacosta esíxelle á Xunta que resolva o colapso da área sanitaria de Ourense, Verín e Valdeorras
Paloma Castro reclama máis persoal e recursos para os xulgados que tratan casos de violencia de xénero
24/04/2024
O Grupo Socialista esíxelle a Feijóo e ao PP que “poñan fin” á oposición “máis sucia da democracia”
25/04/2024
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na UCI
A parlamentaria socialista Carmen Rodríguez Dacosta esíxelle á Xunta que consensúe unha resposta ao colapso na área sanitaria de Ourense, Verín e Valdeorras. Dacosta presentou unha batería de iniciativas parlamentarias diante da situación límite dos servizos de Urxencias, Oftalmoloxía, Rehabilitación e Atención Primaria e das serias deficiencias materiais nas novas instalacións da UCI.
A responsable socialista sinalou a denuncia da coordinadora de Facultativos Independentes de Ourense -FIOU-, que aglutina a máis de 400 facultativos e farmacéuticos da área sanitaria, que manteñen un calendario de mobilizacións semanais dende o pasado mes de febreiro, co apoio das organizacións sindicais e do colexio de médicos de Ourense.
Dacosta leva ao Parlamento as demandas dunha sanidade digna logo de anos de deterioro pola xestión lamentable por parte da xerencia, con déficit de contratacións, xubilacións e falta de planificación das necesidades de persoal sobre unha área envellecida, ademais de demostrar unha notable “falta de empatía a nivel humano” coa plantilla. Sinala a precariedade do persoal sanitario de tódalas categorías, que a día de hoxe arrastra as consecuencias da pandemia.
Apunta que a situación resulta especialmente grave nos servizos de Urxencias, Oftalmoloxía, Rehabilitación, UCI e Atención Primaria, onde “o cadro profesional traballa ao 200 por cento, unha situación insostible”, especialmente dende xaneiro do ano pasado, sen que o Sergas tome ningunha medida.
Ademais, explicou, no persoal de enfermaría e auxiliares da UCI do hospital veñen reclamando que o Sergas repare as deficiencias materiais das novas instalacións, que provocan a falta de visión dos doentes dende o control de enfermaría. Tamén reclaman unha quinta enfermeira, sen que o Sergas tome ningunha medida, mantendo contratos de dous en dous meses, polo que é “imposible” afianzar profesionais nun servizo tan complexo.
