Considera inoperativo o límite do 31 de xullo para constituír as brigadas e reclama un servizo de prevención “único, estable, profesional e equipado dependente da Xunta”

A portavoz de Política Forestal do Grupo Socialista, Carmen Dacosta, acusou ao goberno galego de manter un modelo de extinción de incendios “desfasado, inoperativo e inseguro” para os traballadores, os montes e as propiedades. Así o dixo no debate dunha proposición non de Lei na Comisión de Agricultura do Parlamento do Grupo Socialista para mudar o modelo, pero que non foi aprobada porque o PP votou en contra.

Dacosta reclamoulle ao goberno galego que cambiara o modelo de ofertar convenios de brigadas de incendios aos gobernos municipais, que provocou que no ano 2023 un total de 185 concellos quedaran sen dispositivo. Advertiu que o sistema do goberno galego, que perpetúa un modelo precario, con alta eventualidade, baixos salarios e inseguridade laboral, e que ademais descarga nas entidades locais unha competencia que lle corresponde ao goberno galego.

Acusou á Xunta de “mirar cara outro lado” mentres os montes quedan desatendidos e ao albur dos lumes, sen os equipos encargados de desenvolver as labores preventivas, de vixilancia e defensa contra os incendios forestais.

Dacosta reivindicou un servizo “único, estable, profesional e equipado dependente do goberno galego” que, mentres este servizo non se poña en marcha, debe garantir o cumprimento do ditame aprobado no Parlamento a raíz dos incendios de 2017 e que os convenios se realicen só para labores preventivas cunha duración mínima de 6 meses.