Besteiro: “lamentablemente confirmouse o que nos temíamos, o PP non quere que saia adiante esta Comisión de Investigación”
O PSdeG sinala que a “incompetencia na xestión” da Xunta retrasa a chegada de 45 millóns de euros de axudas directas da PAC
08/11/2024
Besteiro chama á responsabilidade no financiamento: “Galicia debe defender os seus dereitos ao mesmo tempo que atender as súas obrigas cos concellos”
09/11/2024
O líder dos socialistas galegos sinala que o intento do PP de “adulterar e controlar” á Comisión é unha “burla á transparencia e á cidadanía, e os socialistas non o imos consentir baixo ningún concepto nin vetos nin componendas”
Denuncia un “intento descarado do PP de manipular a Comisión de Investigación, reducindo o número de comparecentes e eliminando nomes a través de reunións bilaterais fóra do marco acordado”
Elena Espinosa lembrou que a Mesa da Comisión segue sen presentar o suposto informe xurídico que esgrimiu a presidenta na primeira reunión para botar abaixo as normas de funcionamento propostas polo Grupo Socialista
“Lamentablemente, confirmouse o que nos temíamos esta mañá: o Partido Popular está a levar a cabo un intento descarado de manipular a Comisión de Investigación, reducindo o número de comparecentes e eliminando nomes a través de reunións bilaterais fóra do marco acordado”. Así de contundente se mostrou esta tarde o portavoz dos socialistas galegos, José Ramón Gómez Besteiro, quen subliñou que “este intento do PP de adulterar e controlar a Comisión é unha burla á transparencia e á cidadanía, e os socialistas non o imos consentir baixo ningún concepto nin vetos nin componendas”.
Durante a reunión da tarde, a viceportavoz do Grupo Parlamentario Socialista, Elena Espinosa, reforzou este posicionamento, reiterando o rexeitamento firme a calquera manobra opaca. “O Grupo Socialista non permitirá nin un só veto nin modificación que altere as decisións desta Comisión de maneira escura e allea ao interese público”, afirmou Espinosa, subliñando que o traballo da Comisión debe estar marcado pola transparencia e imparcialidade que a cidadanía espera e merece.
Espinosa lembrou tamén que, desde o pasado 15 de outubro, o Grupo Socialista solicitou formalmente o informe xurídico que o PP esgrimiu para rexeitar as propostas socialistas sobre o funcionamento da Comisión, sen recibir resposta ata o momento. “Esta negativa a responder engade máis sombras e incerteza sobre un proceso que debería ser claro e rigoroso en beneficio da cidadanía galega”, advertiu Espinosa.
O Grupo Parlamentario Socialista reafirmou o seu compromiso de defender unha Comisión de Investigación limpa, libre de vetos e manobras políticas, e fiel ao seu propósito de servir á verdade e aos dereitos da cidadanía. “Parece que non vai ser así”
