O líder dos socialistas lamenta que fora “o presidente invisible” na Conferencia de Presidentes, que foi a Santander a “aplaudir a proposta ultra e insolidaria de Ayuso, que defende que Madrid estea por riba das demais comunidades autónomas”

O secretario xeral do PSdeG, José Ramón Gómez Besteiro, lamentou hoxe que Alfonso Rueda asistira á Conferencia de Presidentes de Santander como “o presidente invisible”. O líder dos socialistas galegos defendeu un financiamento “xusto e solidario entre tódalas comunidades autónomas”, nas antípodas da proposta de Rueda seguindo os ditados do PP de Madrid.

O responsable socialista advertiu que Rueda é “o único galego que non quere que se lle condone a débeda a Galicia”, que permitiría máis recursos para tódolos galegos e galegas, e lamentou que “teñamos a mala sorte de que ese único galego sexa precisamente o presidente da Xunta de Galicia”.

Criticou o aliñamento do presidente galego coa proposta “insolidaria e ultra de Ayuso, que defende que Madrid está por riba das demais comunidades autónomas”, e advertiu que “nós non vamos aplaudir iso, senón que vamos defender unha financiación xusta e solidaria”, reiterou.