Paloma Castro reclama dende o Parlamento un profesor de Pedagoxía Terapéutica e un coidador adicionais para o centro

A parlamentaria socialista Paloma Castro acusou ao goberno galego de discriminar o CEIP Plurilingüe Vilaxoán ao sobrecargar ao persoal, impedíndolles unha educación equitativa e de calidade. A responsable socialista levou ao Parlamento a situación limite deste centro e reclamarlle a Educación que asigne un novo profesor especializado en Pedagoxía Terapéutica e un coidador ou coidadora.

Castro explicou que o incremento do alumnado con necesidades especiais non foi aparellado dun incremento do profesorado, polo que neste momento supera o rateo mínimo establecido por Lei e deixa ao alumnado sen os apoios necesarios para o acceso á educación digna e inclusiva efectivo e real. Lembra que o centro conta coas mesmas dúas prazas de persoal coidador, co que ten 1 por cada 9 alumnos con necesidades especiais en lugar do mínimo legal de 1 por cada 6.

Explica que neste momento o centro conta con 206 alumnos e alumnas, o 31 por cento dos cales pertencen ao Departamento de Orientación, que “carece do persoal mínimo para cubrir as necesidades deste alumnado e ofrecerlles unha atención mellor e máis axustada. Ademais, sinala que o centro foi excluído do programa PROA+ a pesares de cumprir cos requisitos de selección.