Elena Espinosa esíxelle á Xunta que cumpra co compromiso acadado cos concellos e asuma as unidades asistenciais de drogodependencias
González Casares propón que todas as forzas galegas con representación en Bruxelas traballen da man para que Europa tenacísimo “unha comisaria ou un comisario de Pesca de verdade”
29/05/2024
Silvia Longueira considera incomprensible que o PP vote no Parlamento en contra de pedirlle á Xunta un Plan de erradicación da pobreza infantil
30/05/2024
Acusa ao goberno galego de “tomarlle o pelo” aos 13 concellos galegos que están a prestar este servizo competencia da Xunta
A portavoz de Sanidade do Grupo Socialista, Elena Espinosa, esixiulle hoxe á Xunta que asuma o compromiso acadado cos concellos e asuma a xestión das Unidades Asistenciais de Drogodependencias -UAD-. A responsable socialista presentou unha proposta neste sentido na Comisión de Sanidade do Parlamento, que foi rexeitada polo PP, ao que acusou de “tomarlle o pelo” aos 13 concellos que prestan este servizo.
A responsable socialista criticou que o goberno galego leve xa 25 xuntanzas cos concellos, pero “non cumpriron nin o primeiro dos compromisos acadados cos concellos” para impulsar a transferencia deste servizo que os concellos non poden financiar.
Puxo como exemplo que o goberno galego aporta ao Concello de Vigo tan só 540.000 euros para a prestación da asistencia á drogodependencia, cando necesita dun orzamento de 1,3 millóns de euros para un servizo que é competencia da Xunta. Esta situación está a crear disfuncións e problemas na atención aos pacientes, vítimas das deficiencias de coordinación entre o servizo de Saúde Mental, a Atención Primaria e os dispositivos municipais.
Espinosa lembra que os concellos levan máis de 10 anos reivindicando pedíndolle á Xunta que asuma esta competencia, que non avanzou malia á constitución, en 2018, dunha comisión mixta para ordenar o traspaso, e de que en 2021 aprobaran unha iniciativa do Grupo Socialista no Parlamento para iniciar o procedemento.
Explica que o 19 de decembro de 2022 constituíron unha comisión de transferencias Xunta – Concellos, pero que “aínda que a Xunta establece un cronograma, este non se está cumprindo”. A responsable socialista explicou que, despois de toda esta traxectoria, o goberno galego mantivo unha xuntanza coa Fegamp na que puxeron enriba da mesa un convenio que “empeora substancialmente o financiamento aportado pola Xunta”.
A parlamentaria socialista presentou unha iniciativa para reclamarlle ao goberno galego que reactive de forma inmediata a Comisión Mixta para integrar as UAD no Sergas ao longo deste mesmo ano, e lles esixe que asuman o financiamento completo deste servizo mentres dure o proceso de integración.
