González Casares propón que todas as forzas galegas con representación en Bruxelas traballen da man para que Europa tenacísimo “unha comisaria ou un comisario de Pesca de verdade”
O Grupo Socialista no Senado defende que o Goberno de Pedro Sánchez “é garantía de que, ou se preserva o medio ambiente e se protexe ás persoas e o entorno, ou o proxecto de Altri non se fará”
29/05/2024
Elena Espinosa esíxelle á Xunta que cumpra co compromiso acadado cos concellos e asuma as unidades asistenciais de drogodependencias
30/05/2024
O eurodeputado do PSdeG reuniuse en Vigo con representantes da patronal conserveira para analizar a situación do sector e as causas da diminución da produción pesqueira e marisqueira nas rías galegas
Santiago, 29 de maio. O eurodeputado Nicolás González Casares e o secretario provincial do PSdeG de Pontevedra, David Regades, reuníronse esta tarde en Vigo coa dirección de Anfaco-Cecopesca co fin de analizar a situación da conserva e da pesca e o marisqueo, así como as prioridades do sector conserveiro galego de cara á nova lexislatura europea.
No encontro, no que participou o presidente da patronal da conserva, Iván Alonso-Jáudenes, tratouse a diminución da produción pesqueira e marisqueira nas rías, unha situación que está a repercutir sobre a industria de transformación. O candidato socialista a renovar o seu escano no Europarlamento comprometeuse a insistir nesta problemática ante as institucións europeas durante a vindeira lexislatura, que botará a andar tras as eleccións do próximo 9 de xuño.
González Casares explicou que na xuntanza tamén se constatou outra preocupación común co sector pesqueiro de Galicia. “Necesitamos unha comisaria ou un comisario de Mar, da Pesca, que de verdade crea nas políticas pesqueiras comúns, e non como o que tivemos ata agora”, dixo. Nese senso, propuxo un pacto entre as diferentes forzas políticas galegas que acaden representación “para traballar conxuntamente no Parlamento Europeo” con ese obxectivo.
O eurodeputado comprometeu a influencia do Grupo da Alianza Progresista de Socialistas e Demócratas europeos para facer presión e mostrou a súa esperanza en que tanto PP como BNG acepten a proposta, “porque xuntos faremos máis forza”, afirmou.
