Martín Seco denuncia o “abandono continuado” da Xunta de Galicia e do Concello de Arteixo ante as necesidades educativas do municipio
Noa Díaz reclámalle á Xunta que “realmente consolide á Cidade da Cultura como espazo de creación cultural e non só de exhibición”
26/11/2021
Gonzalo Caballero rexeita o “ataque irresponsable e inadimisible” do conselleiro de Sanidade ás e aos defensores da sanidade pública polas manifestacións nas rúas: “sen a mobilización cidadá, o paridoiro de Verín desaparecería”
26/11/2021
Lamenta a “falla de compromiso” da Xunta coa construción de novas instalacións ante a saturación das actuais e critica que o alcalde de Arteixo xa non considere prioritario este tema
O deputado socialista Martín Seco denunciou esta mañá o “abandono continuado no tempo” da Xunta de Galicia e do Concello de Arteixo ante as demandas en materia educativa para o municipio. Fíxoo na Comisión de Educación do Parlamento, onde Seco criticou ao goberno galego pola súa “falla de compromiso” coa construción dun novo CEIP e dun novo IES en Arteixo.
No caso do colexio, trátase dunha necesidade que se remonta a hai máis de seis anos debido á “saturación” das instalacións educativas no concello e que agora xa é “unha emerxencia”.
Así, Martín Seco recordou que a Xunta “leva dando bandazos dende 2015”, cando o Grupo Socialista presentou unha iniciativa para construír novas dotacións educativas ante “os graves problemas de espazo” e “masificación” que se empezaban a detectar en diferentes centros.
O deputado do PSdeG lembra que, en primeiro termo, o goberno galego e o PP criticaron esa petición socialista, pero logo pasaron a facela eles mesmos no ano 2017. De feito, o alcalde e o actual conselleiro de Educación chegaron a prometer a súa construción en diferentes ocasións, orzamentaron o proxecto durante varios anos sen executar a partida e incluso chegaron a anunciar varias veces a cesión dunha parcela para un novo CEIP.
En calquera caso, durante todo este tempo non se chegou a concretar “absolutamente nada”. Mentres tanto, medraba a situación de abandono, os problemas de saturación trasladábanse aos institutos e incrementábanse as deficiencias en persoal educativo e técnico en instalacións como, por exemplo, as do Manuel Murguía.
A última sorpresa chegaba, explica Martín Seco, cando onte mesmo, no pleno de aprobación dos orzamentos municipais, o alcalde de Arteixo aseguraba que “a construción do novo colexio xa non é prioritaria”.
Lonxe disto, Martín Seco recorda que “levamos dende o ano 2016 pedindo a construción de novas infraestruturas educativas en Arteixo” e que os motivos desa demanda continúan plenamente vixentes. Nesta liña, incide en que a situación de colapso que existía daquela nos colexios de Arteixo xa é tamén agora unha realidade nos institutos do municipio”.
