Gonzalo Caballero denuncia as “impresentables represalias” de Feijóo contra o xinecólogo que defendeu o paridoiro de Verín
Gonzalo Caballero reivindica unha “Xunta do benestar que loite pola igualdade e que xere emprego” fronte a un Feijóo que “quere seguir despilotando a reactivación sen rumbo e sen chegar a acordos”
28/06/2021
Gonzalo Caballero reivindica a reconstrución de Galicia “pensando nas persoas” fronte á “inercia da inacción e brazos caídos da Xunta cos fondos metidos no colchón de Feijóo”
29/06/2021
O líder do PSdeG critica que a sanción contra o doutor Castrillo é unha “farsa” que demostra “o peor da política revanchista e o abuso de poder” por parte do PP
Santiago de Compostela, 28 de xuño de 2021. O secretario xeral do PSdeG, Gonzalo Caballero, vén de denunciar as “impresentables represalias” iniciadas por Feijóo contra o xefe de Xinecoloxía do Hospital de Verín, que hai ano e medio saíu publicamente a defender o mantemento do paridoiro.
De feito, Gonzalo Caballero criticou unha “sanción política” contra o doutor Castrillo que vén de ditar o Sergas, e que considerou “unha farsa” que demostra “o peor da política revanchista e o abuso de poder” por parte do PP.
O líder dos socialistas galegos criticou o “intento de intimidación” de quen está a defender á sanidade pública e, en concreto, un servizo público fundamental para a comarca de Verín. Caballero reclamou “desterrar o revanchismo da práctica política” e que está a “amosar ao verdadeiro PP, o que deixan ver cando quitan a careta”.
Sinalou que “ano e medio despois de que Feijóo tivera que recuar e recoñecer as súas mentiras e argumentos falaces sobre a perda de pericia dos xinecólogos dos paridoiros comarcais como subterfuxio para recortar a sanidade pública, vemos a peor cara do PP e de Feijóo”. Caballero denunciou as “represalias contra un profesional da sanidade pública de longa traxectoria”, antes de trasladarlle “todo o ánimo e o apoio”.
