A portavoz de Xustiza do Grupo Socialista, Paloma Castro, vén de presentar unha serie de iniciativas parlamentarias para reclamarlle á Xunta que habilite os recursos necesarios para a implantación do novo sistema de gardas de 24 horas con quenda rotatoria nos xulgados de A Coruña e Vigo. Lembra que son os dous únicos partidos xudiciais de España con máis de 8 xulgados de instrución pero sen gardas de 24 horas.

Castro presenta esta iniciativa logo da contestación social a favor da ampliación deste servizo, logo de que o Consello Xeral do Poder Xudicial emitira a pasada semana un informe no que avala a solicitude. Constatou ademais que o Ministerio de Xustiza recoñecera que o servizo 24 horas melloraría a calidade do servizo, amosándose “a favor de asumir o custe das novas quendas”.

A parlamentaria socialista apunta que “é a quenda da Xunta de Galicia para asumir a parte que lle corresponde do custe deste novo servizo”. Sinala que dende o Grupo Socialista “sempre defendemos que unha xustiza máis áxil garante o acceso á tutela xudicial efectiva, e esta modificación vai contribuír a acadar unha maior eficiencia no funcionamento destes xulgados e na resposta á cidadanía”.