Gonzalo Caballero denuncia a “gravísima persecución sindical” do Grupo Riesgo contra o presidente do comité de empresa de Alu Ibérica na Coruña por tentar despedilo
Julio Torrado reclama no Parlamento o reforzo da contratación de persoal sanitario para a campaña de vacinación contra a covid
23/02/2021
Begoña Rodríguez Rumbo censura o abandono da Xunta ao financiamento dos concellos: “Son un dos grandes sacrificados da pandemia”
23/02/2021
Santiago, 23 de febreiro de 2021. O voceiro parlamentario do PSdeG, Gonzalo Caballero, acompañado do voceiro de Industria do Grupo Socialista, Martín Seco, mantivo hoxe unha xuntanza con membros do comité de empresa da planta de Alu Ibérica na Coruña (antiga Alcoa) liderados por Juan Carlos López Corbacho, a quen o Grupo Riesgo anunciou o despido.
Tralo encontro cos traballadores, Gonzalo Caballero denunciou a “persecución sindical” por parte dese grupo industrial, como amosa o feito de que foron anunciados os despidos de tres membros do comité de empresa da planta coruñesa. “Cando se ataca deste xeito aos representantes dos traballadores, atácase realmente a todos os traballadores, e non o podemos consentir”, remachou.
En paralelo, o líder socialista reclamou compromiso ao Grupo Riesgo para o mantemento da actividade industrial e do emprego na factoría da Coruña e instou a todas as administracións a colaborar fronte a certas prácticas empresariais que considera que non son admisibles.
