Gonzalo Caballero: “Todo o noso agarimo e apoio á nosa lingua, que nos fai sentir máis comprometidos coa Galicia na que vivimos”
Gonzalo Caballero inicia unha rolda de contactos cos alcaldes e alcaldesas socialistas das cidades: “Coinciden en que é unha irresponsabilidade que Feijóo convoque agora as eleccións”
16/05/2020Manifesto Día Internacional contra a LGTBIfobia
17/05/2020
O secretario xeral chama a “impulsar e promover” o galego “para que non exista discriminación e poida usarse con normalidade” nos eidos público e privado
Santiago, 17 de maio de 2020. O secretario xeral do PSdeG, Gonzalo Caballero, manifestou hoxe, Día das Letras Galegas, “todo o agarimo e todo o apoio dos socialistas galegos á nosa lingua”. “Fainos sentir máis cidadáns e máis comprometidos coa Galicia na que vivimos”, proclamou.
Así é que nesta xornada para “festexar, promover e impulsar a nosa lingua”, Gonzalo Caballero destacou o galego como “unha forma de sentir o país”. “Porque o galego somos todos nós”, engadiu.
De feito, sinalou o noso idioma non só como “unha riqueza cultural e lingüística”, senón tamén como “un sentimento” e un sinal de identidade. “Falar do galego é falar con todo o agarimo do noso”, apostilou o máximo dirixente do PSdeG.
Precisamente por iso, fixo fincapé en que “toca impulsar e promover a nosa lingua para que non exista discriminación e para que poida usarse con toda a normalidade tanto no ámbito público como no privado”.
Nesta xornada de celebración, ademais, Gonzalo Caballero reivindicou “o compromiso galeguista” do PSdeG, enfocado “na defensa da lingua propia, no noso xeito de comunicarnos”, e “na loita por construír a Galicia que queremos”.
LETRAS GALEGAS 2020
Por último, tras amosar o seu “compromiso” coa lingua “de Rosalía, de Curros, de Pondal, de Castelao, de Cabanillas e de Celso Emilio”, Gonzalo Caballero destacou tamén a figura de Carvalho Calero.
O homenaxeado este ano foi, como apuntou o líder socialista, o primeiro catedrático en Lingua e Literatura Galegas e o autor dunha gramática galega de referencia na década dos 60.
