Gonzalo Caballero reafirma o compromiso do Goberno coas infraestruturas galegas fronte á “paralización de Rajoy e Pastor”, cando Feijóo era “o máis caladiño da procesión”
Gonzalo Caballero: “representamos o novo fronte ao vello, o progresismo fronte ao conservadurismo, o diálogo en defensa de Galicia fronte á confrontación do PP que non leva a ningures”
19/02/2020
Gonzalo Caballero esíxelle a Feijóo que dea explicacións polo presunto uso de diñeiro negro de Venezuela para o PP en 2015 e 2016
21/02/2020
O candidato do PSdeG á presidencia da Xunta, Gonzalo Caballero, reafirmou hoxe en Madrid o compromiso do goberno presidido por Pedro Sánchez coas infraestruturas galegas logo da “paralización” de Rajoy e Ana Pastor, cando Feijóo presumía de ser “o máis caladiño da procesión”. Así o dixo logo dun encontro co secretario de Estado de Mobilidade, Transportes e Axenda Urbana, Pedro Saura.
O líder dos socialistas galegos revisou hoxe a axenda pendente para Galicia, logo de que o Tribunal de Cuentas confirmara a paralización do AVE a Galicia durante 3 anos cun sobrecuste de 500 millóns de euros cando Pastor era ministra de Fomento. Censurou que o PP pretenda agora “tomar vantaxe facendo demagoxia” cando as obras foran paralizadas coa complicidade de Feijóo.
Grazas á chegada de Pedro Sánchez ao goberno, dixo, hoxe o AVE “está moi ben encarrilado”, mentres o Executivo “cumpre cos investimentos necesarios e evitando ningún atraso derivado da acción de goberno”. Sinalou que nesta primavera estará en marcha a primeira metade do tramo Madrid – Galicia, e que toda a línea estará completada no primavera de 2021.
Caballero explicou que este encontro, no que tamén participaron os senadores galegos Xoaquín Fernández Leiceaga e César Mogo, danlle continuidade “no concreto” aos recentes encontros co ministro Ábalos. Os socialistas galegos trasladaron así as “prioridades en materia de inversións para Galicia”, con “pulso firme e esixindo con lealdade as medidas que favorezan aos galegos e ás galegas”.
O candidato socialista puxo sobre a mesa así “a axenda pendente para Galicia”, que inclúe a transferencia da AP-9 e adiantando un “cambio histórico” na xestión da infraestrutura que será cedida á Comunidade Autónoma, así como “aplicando unha redución das peaxes aos viaxeiros recorrentes” nesta vía.
Tamén avaliaron a posta en marcha das estacións intermodais ou a electrificación da liña de tren entre Lugo e Ourense, adiantando unha axenda na que “os socialistas galegos estamos plenamente comprometidos e non lle vamos dar vantaxe nin permiso ao PP para facer demagoxia política”.
Explicou que aquel partido foi o que “non cumpriu con Galicia cando gobernaba Rajoy, xa que cando Ana Pastor era ministra de Fomento paralizou o AVE e non sacou as intermodais a concurso”. Tampouco o PP propiciou “avances na chegada dun tren en boas condicións a Lugo, e mesmo impediu que se debatera a transferencia da AP-9 e impediron a rebaixa nos custes das peaxes”.
